Dakizuen bezala jada bi aste pasa dira Lek-eko saioak hasi zirenetik. Monitore eta ikasleak elkar ezagutu ondoren lehen kirolean murgildu gara LH 3-6 mailetan. Aste honetan, pilotarekin hasi dira eta hurrengo bi asteetan kirol hau hobeto ezagutzeko eta trebatzeko aukera izango dute gure ikasleek eta datorren urriaren 26an, zapatuan, pilotako topaketa izango dute Arrasaten.
Aste honetan, Debagoieneko Erreka auzolana bueltan da! Hirugarren edizio hau urriaren 19an (goizez) aurrera eramango dugu bailarako herri guztietan. Ekimen paregabea da gure errekak ezagutu eta gertutik bizitzeko. Leintz eskola kirolak bere atxikimendua erakusten dio ekimen herritar honi eta bertan parte hartzera animatzen zaituztegu. Jarraian dagoen estekan eman ahal izango da izena, herrika bereizita.
✍https://labur.eus/errekakbizi
Bertan elkar ikusiko dugulakoan!
Eskerrik asko!
KIROLEZ HEZI, KIROLEZ HAZI!
Comments