Pasa den asteburuan LH 1-2. mailako ikasleek JOLASHEZI-ko topkatea ospatu zuten Aretxabaletako IBARRA kiroldegian. Arrakasta handia izan zuen ekintzak, 100 neska-mutiko inguru elkartu ziren eta jolas ezberdinez disfrutatzeko aukera izan zuten.
LH 3-6. mailako ikasleak berriz, eskupilota gehiago ezagutzeko aukera izan zuten. Bi txandatan banatu genuen goiza, lehen txandan 50 ikasle inguruk hartu zuten parte eta 2. txandan 40 ikasle ibili ziren kirol honetaz disfrutatzen. Arrasateko pilota elkartearekin elkarlanean eraman genuen ekintza aurrera eta goiz atsegina pasatu zuten bertaratutako ikasleek. Hemen dituzue argazki guztiak ikusgai.
Asteburu honetan ez da ekintzarik egongo, zubia delako eta hurrengo azaroaren 9an ikasturteko lehen sustapen jarduera ospatuko dugu. Eskalada egiteko aukera izango dute LH 3-4. mailako ikasleek eta izen ematea gure webgunetik egiteko aukera egongo da: https://www.leintzeskolakirola.com/sustapenjarduerak
LH 5-6. mailako ikasleak eskubaloiarekin hasi dira aste honetan. Arrasate eskubaloi elkarteko kideak emango dituzte astean zeharreko saio batzuk eta azaroaren 16an txapelketa jokatuko dute. Txapelketan parte hartzeko izen emateak saioetan egingo dituzte monitoreekin batera, gaur hasi eta azaroak 6a bitartean.
KIROLEZ HEZI, KIROLEZ HAZI!
Comentários